Gästebuch

Weihnachtszeit!

I schaug ause aus da Balkontür,
sig leicht´n die Stern.
Wår am Saurachberg schean,
sig´s in Wean a so gern!

Obwohl i des åll´s
Vagleich´n nit mecht,
wenn´st di anfåch daham fühlst,
dånn is es schon recht!

Håb in Wean mei Familie,
san a påår guate Freind dazua kemm,
dawal wir ålle z´åmm hålt´n,
bleibt mei Leb´n wundaschean!

Hiaz am Jåhresend´ is Zeit
trotz ållem dånkbar zan san,
håm wohl ålle vül mitg´måcht
is trotzdem kana allan!

Dås Loch, dås unsar Buarle aufg´måcht håt,
wird für uns imma bleib´n.
Is unendlich schwar ohne ihn,
kånn es åndar´s nit schreib´n!

Und an Teil von unsar´n Hannes,
håb die gåanze Zeit ba mir.
Er werd uns weita kemm besuach´n,
des håb i im G´spier!

In Liebe ❤️⭐
Deine Mama