Unser Buale

Unser Buale is in Himmelberg
bei der Frau Bodner gebor´n,
den Bezug zu seiner Hamat
bis zan Schluß nia valor´n.

Åls Schulbua a richtigar
Lauser is g´wes´n,
seine Streiche tuan seine Schwestarn
bis heit nit vargess´n.

Hannes hätt´ wia sei Våtar
eigentlich Tischler wern soll´n,
g´lernt håt er Målar,
håt ihm vül bessar g´fåll´n.

Die Ausbüldung ba sein Lehrherrn
is ka Honigschleck´n g´wes´n.
Mit Auszeichnung g´måcht,
sei Herzle håt g´låcht.

Z´erst von da Firma in gånz Kärnt´n ummatum,
weg´n dem Vadienst dånn
noch Vorarlberg und in die Schweiz,
håt ihm g´nomman neamd krumm.

A in Wien håt er g´lebt,
die Stådt håt ihm g´fåll´n,
er håt åbar immar
noch Kärnt´n ham woll´n.

Bei der “Seerose Tiffen”
Schuah geplatt´lt so gern,
auf de Preise stolz g´wes´n,
die Zeit dåmals wår schean.

Åls g´lernta Bådemastar
a guate Årbeit g´måcht.
Åls Security viele viele
Nächte vabråcht.

Bei vül´n Zöltfest´n
åls Aufpasser g´wes´n.
Und ålleweil gern
a guate Speckjaus´n gess´n.

In vül´n Betrieben
sei Bestes ållwal geb´n.
Als Babysitter in da Familie
a richtiger Seg´n.

Håt irgendwås nit gepasst,
dås håt er immar glei g´spiert,
und wenn er håt kennan
glei hölf´n probiert.

Schon dåmåls sei Immunsystem
wår fålsch programmiert.
dås Jåhrzehnte långe Leid´n
is desweg´n passiert.

Er håt scheane Såch´n g´måcht,
håt ma g´seg´n die Freid´,
in gånz Östarreich unterwegs,
wår für´n Tierschutz bereit.

Er is dånn glei båld amål
Teamführer wårn
und sei Herz ån sei Mitårbeiterin
Andrea varlor´n.

In zwa vorherige Beziehungen
a Familienmensch wår,
auf senre Kindar immar stolzer
åls Papa is klår.

Und wia er g´merkt håt,
dåss er selbar båld Papa werd wern,
kan Glücklicheren håt´s geb´n
als ihn auf der Erd´n.

Wår bei der Geburt seb´n dabei,
sei Tochta auf der Brust lieg´n g´håbt,
de Våter-Tochter Beziehung
nia mehr gekappt.

Sei Denk´n, sei Tan,
für´s Dirndle håt er immar all´s geb´n.
Sie wår da Mitt´lpunkt für ihn,
in sein leidar zu kurz´n Leb´n.

Und heit kimmt er wieda
in sei Hamatlånd ham.
Wir bleib´n mit´n Herz´n bei ihm,
er werd sein nia allan.

Er is uns lei voraus gång,
wo wir amål ålle hin geah´n.
Wir håm hiaz a Schutzengale
für uns Trost, wundaschean.

In ewiger Liebe
Deine Mama